Huwebes, Mayo 19, 2011

Magbalik tanaw..!

      Labing-tatlong taon narin ang nakakaraan mula ng naitayo ang Casa Miani sa Lubao, Pampanga. Ito ang kauna- unahang Casa Miani naitatag dito sa Pilipinas. 
       Magbalik tanaw tayo sa nakaraan kung paano umusbong at yumabong ang pagpapala ng Diyos sa pamamagitan ng mga Somaskano sa Pilipinas at kung papaano magpa-hanggang ngayon ay patuloy ang pagpapala niya sa mga taong naging bahagi nitong misyon na ibinigay ni San Heronimo sa kanyang mga kasama. Halina na….at magbabalik-tanaw tayo sa makahulugang buhay ng Casa Miani.
    Ang Casa Miani ay galing sa salitang “Bahay  Ni Miani” (pinaiksi ang apelyidong EMILIANI) na itinatag ni San Heronimo Emiliani at ipinagpapatuloy ng kanyang mga kasama (Somascan Fathers) ang pagtulong sa mgabatang naulila at mga batang pinabayaan at nasa matinding pangangailangan.
      Pinili ni San Heronimo ang makipamuhay sa mga mahihirap at ibinuhos ang kanyang buong buhay sa mga batang ito. Ang Casa Miani ay nasa Lubao, Pampanga at nagsimula nuong taong 1995 sa pamumuno ni Fr. Luigi Brenna, crs at mga kasama. Sa simula ay nagkaroon ng dalawang bata na galing sa pagkalinga ng mga Somascan Sisters na kumakalinga sa mga kabataang babae. Sumunod pa ang apat na bata na galing sa Munting  Tahanan sa Balanga, Bataan. Sa kalaunan dumami ang mga batang ito at siyang pinagtuunan ng paglilingkod ng  mga Somascan Fathers sa pamamatnubay ng aming superior na si Fr. John Cariňo, crs. Sa ngayon, ay  may 29  na bata sa aming panga-ngalaga.  ISANG PASASALAMAT din sa mga taong naghandog ng kanilang oras at sarili upang matugunan ang pangangailangan ng mga batang ito.